Saturday, April 13, 2013

හිතන්න යමක් ඔබට

අලුත් අවුරුද්දක් උදා වෙන්න තව හෝරා කිහිපයක් ඉතිරී වෙලා තියෙද්දී මට මෙහෙම දෙයක් හිතුනා ....
ඇත්තටම මේ ලෝකේ මහා පුදුම තැනක් නේද ?? කෙනෙක් දුක් විඳලා ,මහන්සි වෙලා ,තවත් කෙනෙකුට කඹුරලා කඹුරලා බඩවියත රැකගන්න මාරම සටනක් දෙනකොට තවත් කෙනෙක් තමන් හම්බුකරන සල්ලි වලට මොනවා කරන්නද කියල හිතාගන්න බැරුව හුල්ලනවා.....



ඇත්තටම මිනිසුන්ට කොතැනම හරි ලොකුවටම වැරදිලා තියෙනවා වගෙයි ,එකනේ මේ තරම් වෙනසක් ..

            මේ ඇති නැති පරතරේ ඇතිවෙන්නේ ඔවුන්ගේම වරදින් කියල කෙනෙක් කියාවි ,ඒත් එතනදීත් තවත් කෙනෙක් එක හෙළාදකිනවා නියතයි .....


                                 
                         
ඒ වගේම තමයි තරුණ පරපුරේ ලොකුම ගැටලුව වගේම පිළිතුරත් වන ආදරේ .......,එයා ඔයාට ආදරෙයි ..ඔයා වෙන කෙනෙකුට ආදරෙයි ....වෙලාවකට ආදරෙත් කරදරයක්ද මන්දා .....මේක කොහොම විශ්වාස කරන්න පුළුවන් දෙයක්ද මටනම් හිතාගන්න බෑ .......අද දකිනකොට කෙනෙක්ගේ අතේ එල්ලිලා යනකෙනා නෙවෙයි ඊළඟ දවසේ එයාගේ අතේ එල්ලිලා  යන්නේ ,මේකත් හරියට ඇදුම් මාරු කරනවා වගේ වැඩක් වෙලානේ ...ඇත්තටම මම දකින දේවල් එක්කයි  මේ ලියන්නේ ..... මේ විදියට පාට මාරු කරන නළුනිලියෝගොඩක් රංගන වේදිකාවක්ද ඇත්තටම ජිවිතේ  කියල මට නොසිතුනාම නෙවෙයි .මම මේ  කියන්න හදන්නේ   ඇත්තටම ආදරේ කරන අය නැහැ කියල නෙවෙයි එහෙම කෙනෙක් හොයාගන්න ගොඩක් අමාරුයි කියල ....කොහොමහරි එහෙම කෙනෙක් හොයාගත්ත කියමුකෝ එත් එකට ඉන්න කියෙන්  කීදෙනාද ආදරේ කරපු කාලේ වගේ සතුටින් ඉන්නේ ......,දවසක් දෙකක් සතුටින් ඉන්න අතරේ රුපියල් ශත එක්ක හරබෙන් පරද උන දවසට ගුටි පුජා ,බැනුම් වරුසා කෝටියයි...





මේ අතරේ තවත් කට්ටියක් මේ දුප්පත් පෝසත් වෙනස නැතිකරගන්න කියල කොහෙන්දෝ නොදකින ලෝකවල පිහිට පතාගෙන යන්නත් පෙළඹිලා ....ද සමාජේ මධ්‍ය පාන්තිකයන්ගෙන් බහුතරයක් මං ඔය කිවුව මග ඔස්සේ යනවා .දේවාල පෝලිම් වල කනකර උගස්කරන් කපුමහත්තුරු ඉල්ලන ඉල්ලන පඬුරු ,පාක්කුඩම් අරං ඔහේ වැඳගෙන දෙවියෝන්ගෙන් ඒවා ඉල්ලනවා ,මේවා ඉල්ලනවා ..... මං අහන්නේ දෙවියෝන්ටත් ඔය ඉල්ලන ඉල්ලන්න හැම   දේම දෙන්න පුලුවන්ද ,,, 
ගොඩක් වෙලාවට මේකෙන් කපුමහත්හොරු හම්බකරගන්න එක තමයි වෙන්නේ මටනම් පෙන විදියට ...අපේ අසරණ මිනිස්සුන්ට ඇයි දෙයියනේ මේවා තේරෙන්නේ නැත්තේ කියල දෙයියොම බලාගන්න ඕනේ ......




මං හිතනවා මේකෙන් ඔයාලට හිතන්න යමක් ඉතුරුවේවි කියල ...පොඩ්ඩක් හිතල බලන්න ඔය මේ කරනදේ හරිද කියල ,හරි නම් ප්‍රශ්නයක් නැහැ,ඒත් වැරදිනම් දැන්ම හරි පාර හොයාගන්න .ඒක ඔයාට වගේම අනිත් යටත් ලොකු උදවුවක් වේවි .




පොස්ටුව කියෙවුවට බොහොම ස්තුතියි .......
කමෙන්ටුවක් දාල යන්න අමතක කරන්න එපා හොඳේ ......









Saturday, February 16, 2013

සරසවිය සවිය විය ....


A/L කාලේ හිතාගෙන හිටපු ,අපේ ටියුෂන් ක්ලාස්  වල සර්ලා අපිට කියලදීපු  ,පොඩිකාලේ හිතින් හීන දැකපු විශ්වවිද්‍යාල ජිවිතයමද මේ කියලා මට හිතෙන්න පටන් ගත්තේ මේ සිහිනය හැබෑවක් වෙන්න පටන් ගත්ත දවසේ ඉඳලා .අපි මවාගෙන හිටපු ලස්සන සුරංගනා ලෝකේ සුරංගනාවියෝ ,සුරංගනාවෝ අපි එනවා දැකල එතනින් පැනල දුවලද කියලත් මට හිතුණා.අපි මවාගෙන හිටපු ඒ ලස්සන ජීවිතේ මේක ඇතුලට අවහමයි තේරුම්ගියේ ලොකුම ලොකු මවාපෑමක් විතරයි කියලා .






කොහොමවුනත් ඒ කටුක ජිවිතේට මුහුණ දෙන්න  අපිව ශක්තිමත් කලේ අපි පොදි බැඳගෙන ඉන්න ලස්සනම ලස්සන සිහින කියලයි මට නම් හිතෙන්නේ .අපිට ආගන්තුක වෙලා තිබුණු ඒ සරසවි යථාර්ථය අපිට නැතුවම බැරි අපේම ජීවිතය වෙලා දැන්නම් .ඒ සරසවියේ අපි මේ ගතකරන හෝරාවක්  හෝරාවක් පාසා අපේ ජිවිතයට මිහිරි අත්දැකීම් ගොන්නකුත් එක්කම පුංචි පුංචි අමිහිරි අත්දැකීම් කිහිපයකුත් එකතුනොවුනාම නොවේ .


මගේ මේ සරසවි මතක පොතට වසරකුත්  සපිරිලා  මාස කීපයක් ගතවෙලා ගියේ හරිම වේගෙන් .මට තවමත් අද වගේ මතකයි සරසවියට පා තබපු ඒ පලවෙනි දවස .කොච්චර බය වෙළද මම හිටියේ .කඳුළු කැට මග බලන් හිටියේ කොයි වෙලේද එලියට පැනගන්නේ කියල වගේ ,ඇත්තමයි ඒ තරම් අසරණකමක්,තනිකමක් ,තැතිගැන්මක් දැනෙන්න නැතුව ඇති මේ අවුරුදු විසි ගාණටම ,
ඒ කාලේදී මම තේරුම් ගත්ත තවත් වැදගත් දෙයක් තමයි කොච්චර කොහොම එකට ,එක බත්පත කාගෙන එක කාමරේ  නිදාගත්තත් සමහරුන්ගේ බොක්ක වෙනස් කියන කතාව,එකත්  හරියට හක්කේ බුදු රැස් ,බොක්කෙ දඩමස් වගේ තමයි .දිවෙන් දිව ගාගෙන හිටියත් ,එළියෙන් කොච්චර බොරු මවාපෑම් පෙන්නන්න උත්සහකරත් එක පුංචිම පුංචි සිදුවීමක් ඇති ඒ සායම් ඔක්කොම දියවෙලා ගිහිල්ලා ඒ මිනිස් හම පොරවන් හිටපු රාක්ෂයා එලියට එන්න ,ගොඩක් අය පාට පාට ලෝකවල ජීවත්වෙන කළුසුදු මිනිස්සු ,මිනිස්සු කියන වචනෙත් මෙතෙන්ට ගැලපෙනවද මන්දා....




කොහොම වුනත් ඒ වගේ දේකින් හිත කොච්චර රිදෙනවද කියල තේරෙන්නේ එහෙම දෙයක් අත්විදපු කෙනෙකුටම තමයි.සමහර වෙලාවට ඒ ගැන කල්පනා කරනකොට හිතෙනවා එකත් අපේම වැරද්දක්ද කියලා .ඕනෑම කෙනෙකුට ඔන්නවට වැඩ උදව් කරන්නවත් ,විශ්වාස කරන්නවත් යන එක නුවනට හුරු නෑ කියල මම එකෙන් තේරුම් ගත්තා .එකත් මේ කෙටි කාලේදී මන් ඉගෙන ගත්ත ගොඩාක් වැදගත් දෙයක් .ගෙදර සමාජයෙන් අත්නොදැකපු මේ වගේ පාඩම් ඉදිරියට මට ගොඩක් වටිනවා නම් හිතන්නේ ...


නවක වදය කියන වචනේටත් අපිට තිබුනේ ලොකු බයක් ,එත් වාසනාවකට වගේ අපිට ලැබුනේ නෑ මුහුණපාන්න ඒ නවක  වදය කියන කටුක අත්දැකීමට .ඒ වෙනුවට අපේ ජේෂ්ඨ සහෝදරත්වය මහා සමාජෙ ඉඳලා ආව අපිව විශ්වවිද්‍යාල උප සංස්කෘතියට හුරුකරන්න අපි වෙනුවෙන් නවක නම්‍යකරන වැඩසටහනක් හදල තිබුනා .ඇත්තටම අපේ ජෙෂ්ඨත්වයට අපි ගරු කරනවා අපිව මේ සමාජේට හුරු කරන්න ගත්ත අපරිමිත උත්සාහයට .අන්තර් පිථ ක්‍රීඩා උත්සවය,ටැලන්ට් show එක වගේ උත්සව වලින් අපි තව තවත් ශක්තිමත් වුණා .ඇයි වෙසක් එකට එකතුවෙලා වෙසක් කුඩු හදපු හැටි,පොසොන් දන්සල මතක් වෙනකොටත් හිතට දැන්නෙන්නේ පුදුම හැඟීමක් .ඒවා තව තවත් අපේ සහෝදරත්වයේ යදම් ශක්තිමත් කරණ බව අපි ඒ දවස් වල තේරුම් අටන් තිබුනේ නැති උනාට ආපහු හැරිලා බලනකොට දැන්නේන්නේ ගොඩාක් ලොකු සතුටක්.




                                                                                 

Sunday, February 3, 2013

1 st batch කැටේ....

කලින් දවසේ සුසරේ බලන්න ගිහින් ඇවිත් නිදාගෙන ඒහැටි වෙලාවක් ගියේ නෑ මගේ හිතේ.එකෙක් කකුලෙන් අදිනවා දැනිල බොහොම අමාරුවෙන් ඇස් 2ක ඇරලා ඇඳේ වාඩි වුණා .වෙලාව උදේ 3.30 යි . දවස 2012/12/15.


හොස්ටල් එකම කලබලෙන්....කට්ටිය එහෙ දුවනවා මෙහෙ දුවනවා......
කොමහරි කස්ටියම  ලෑස්ති වෙලා බස් එක ගාවට ආවේ අපේ පලවෙනි බැච් කැටේ යන්න  .
කට්ටියම ෆැකල්ටියි  T එක ඇඳලා මාරම ලස්සනයි.

නුවර පැත්තට යන්න තිබුණු බස් එකේ කට කපල සෙනඟ .මොනා කරන්නද කලින් අපේ සෙට් එකම හිතාගෙන හිටියේ නුවර පැත්තට යන්නේ.... ඉතින් කට්ටියම නැගගත්තා බස්‌ එකට ,කොහොමින් කොහොමින් හරි ඉස්සරහම සීට් එකේ ඉඩකුත් හම්බුන නිසාම හිතාගෙන හිටියේ ඊයේ නිදාගත්තේ නැති ඒවටත් එක්ක හොඳට නිදාගන්නම් කියලා....

මොන නින්දක්ද ,බස් එකට නැග්ගා විතරයි මෙන්න කැකිරවටම ඇවිල්ලනේ බලනකොට ..මං පොඩ්ඩක් වටපිට බැලුවේ නැගල තිබුනේ ජෙට් එකක්කටවත්ද කියලා හිතිලා...මොනවා වුනත් එතනින් බහින්න හිටපු අපේ සහෝදරියෝදෙන්නක් එකට අකමැති වෙලා නිසා ,ඉස්ස්රහම හිටිය මටයි මගේ යාලුවටයි තමයි එතනින් බහින්න වුනේ ..පළවෙනියටම බහින්න උණු නිසාදෝ මන්ද  බස් එකේ හිටපු ජේෂ්ඨ සහෝදරත්වයේ බොහෝ උපදෙස්,අවවාදත් ගොඩක් එකතු කරන අපි දෙන්නයි තවත් සහෝදරයෝ දෙන්නෙකුයි බස් ඒකෙන බැහැගද්දී වෙලාව හරියටම උදේ 5.30 .

මේ උදේ පාන්දර මොන කැටද??, දැම්ම ගියොත් සල්ලි නෙවෙයි බඩකට පුරෝලා කන්න පුළුවන් කියලා දන්නවනේ ඉතිං, ගියා කැකිරාව බස් නැවතුමට ,ටිකක් එලිය වැටෙනකල් අපිට එදා වාඩිවෙලා ඉන්න තිබුණු හොඳම තැන එතන විතරයි.එතැනින්ම තේරුණා මටනං කට්ටේ තරම... අපරාදේ හොඳට නිදාගන්න තිබිච්ච වෙලාව ,


ටිකක් එලිය වැටෙනකල් ඉඳල උදේට මොනවහරි කලාම වැඩේ පටන් ගන්න හිතපු අපේ කස්ටිය කඩයක් හොයා හොයා ටිකක් ඇවිද්දා ගොඩක් කඩ වහල උදේ වැඩි නිසා,ඔන්න ඔහොම එහාට මෙහාට ඇවිදලා ඇවිදලා යන්තමින් කඩයක් හොයාගෙන කට්ටියම ගිය කන්න,ඉදියප්ප ඕඩර් කල ඔන්න අපිත් ,ගෙනත් තිබ්බ ඉදිඅප්පයි මාලුහොදියි ,පරිප්පුයි .අපේ කට්ටියත් දන්නවනේ ඉතිං අනිත් වැඩ වලට වැඩේම කෑමට බිමටත් දක්ෂයොනේ .. බිල ගේනකොට තමයි කට්ටියටම තරු පෙනුනේ ,,ගැන ප්‍රසිද්දියේ නොකිය හිටියොත් හොඳයි කියලයි මටනං හිතෙන්නේ.කොහොම කොහොමහරි යන්න්තම් බිල ෂේප් කරල කට්ට්ටිය කඩෙන් එලියට බැස්සේ කඩේට ආශීර්වාද වරුසවක්ම දෙනගමන් ,  :D

දැන් නම් ටිකක් විතර උදේ වෙලා ,ඒත් ඉතිං 7,8 කොමද ස්ටිකර් විකුනන්න යන්නේ ,දානවනේ ඉතිං උදේම වැඩට බැස්සොත් මොනවද වෙන්නේ කියලා ,කන් පිරෙන්න අහගන්න තමයි ඉතිං .මොනවා කරන්නද ඕන එකකට අපේ කට්ටියත් ඉතිං රෙඩි වෙලානේ ඉන්නේ .නමෝ විත්තියෙන් දකුණු කකුල් පෙරට තියා සතරදෙනෙක් සෙම්පතියෝ ගියා ටුයුෂන් කඩයක් හොයාගෙන .තවම ළමයි එකා දෙන්නා ක්ලාස් වලට ඇදෙන වෙලාව , හෙමින් සැරේ ටික්කා අයියව ශේප් කරගෙන ක්ලාස් එකක් ඇතුලේ වාඩි උනේ සර් පන්තියට එනකල් .එත් සර් ආවට පස්සේ තමයි අපිට හිතුනේ එතනට අවේ නැත්තම් හොඳයි කියල.....

ආයෙත් සෙම්පතියෝ හතරදෙනාටම උරුම වුනේ මහමග තමයි ඉතින්.අන්තිමට අපිට පිහිට උනේ අර දුප්පත් ,අසරණ නැන්දලා ,මාමලා ,නංගිලා ,මල්ලිලා ,අම්මල .තාත්තල ටිකම තමයි.අතේ තියෙන බෑග් එක පෙරලලා පෙරලලා කොහොමහරි කියක් හරි එකතු කරලා අපේ අතට දීල අපිට අපේ වැඩ සාර්ථක කරගන්න ආශීර්වාද කරපු බොහොමයක් ඇත්තෝ ගොඩක් දුප්පත්,බොහොම අමාරුවෙන් එදා වේල හරිහම්බ කරගෙන ජීවත් වුන අහිංසක මිනිස්සු.ඒ බහුතරය අතරේ අපි කතාකරන එක නෑහුනා වගේ යන ධනවත්තු සුලුතරයකුත් නොහිටියාම නෙවෙයි .අපිට මහා ලොකු දේශනා දීල කන් පිරෙන්න අවවාද ,බැනුම් අහන්නත් සිද්ධ වුනේ මහා සමාජේ ඉන්න විවිධාකාර මත දරන්නන් ගොඩක් ඒ වෙලාවේදී අපිට මුණගැහුණා .එත් ඒ අභීයෝග අපිව තවතවත් ශක්තිමත් කලා කියලයි මට නම් හිතෙන්නේ.මොකද අපේ අරමුණ ගොඩක් හොඳ නිසා.එක එහෙම තමයි තවත්  කෙනෙකුගේ දුක දැනේන්න දුක අත්දැකලා තියෙනනම ඕනනේ .....





ඔන්න ඔහොම අපි බස් ගානේ ,පාරවල් ගානේ ,කඩවල් ගන්නේ ඇවිදලා ඇවිදලා අපේ පලවෙනි batch කැටේට ආධාර එකතුකලා .අපි කැකිරාවෙන් පිටත් වෙද්දී 5.30ත් පහුවෙලා ඇති මගේ මතකය හරිනම් .අවුවෙන් බැට කකා ,වැස්සෙන් බැට කකා කොහොම කොහොම හරි අපේ වැඩේ  සාර්ථක කරගන්න අපිට පුළුවන් වුනේ අපේ සහෝදරත්වගේ ශක්තිය නිසාම වෙන්න ඇති.ඒ මොහොතේ අපිට වචනෙන් පවා උදවු කරපු හැමදෙනාටම අපේ උත්තමාචාරය !!!.. ස්තුති ඔබ සියලුදෙනාටම ,ඒ එක වචනක් ඇති හොඳටම අපේ හිත හැදෙන්න.එක අපිට ලොකු ශක්තියක් .එයාගේ දරුවත් අතේ එල්ලගෙන ,රු.20 ඉස්ටිකර් එක ගන්න බෑග් එක පීරලා පීරලා බොහොම අමාරුවෙන් රු 15 හොයල දීපු ඒ අම්මව නම් මට  කවදාවත්ම අමතක වෙන්නේ නැති වේවි ,මොකද අදත්  මන් ඒ අම්මට ගරු කරනවා හැමදාමත්  .....

මේ විදියට මගේ කැම්පස් ජීවිතේ පලවෙනි කැටේ ගියේ .....  එකනම් මාරම අත්දැකිමක් මං ජීවිතේටම නොලබපු විදියේ ..........


Monday, December 31, 2012

සුභම සුභ අලුත් අවුරුද්දක් වේවා !!!!

ලබන්නනාවූ මේ අලුත් අවුරුද්ද ඔයාල හැමෝගෙම පුංචිම පුංචි අහිංසක ,ලස්සන බලාපොරොත්තු , ඒ විදියටම ඉෂ්ටවෙන
කලින් අවුරුද්දේ වැරදුනු තැන් හදාගෙන අනාගතේ සාර්ථක කරගන්න ශක්තිය ලැබෙන ,හොඳම හොඳ යාලුවෝ ගොඩක් ජිවිතේ ට එකතු කරගන්න ලැබෙන සුභම සුභ අලුත් අවුරුද්දක් වේවා යාලුවනේ !!!

°*”˜˜”*°•.¸☆ ★ ☆¸.•°*”˜˜”*°•.¸☆
╔╗╔╦══╦═╦═╦╗╔╗ ★ ★ ★
║╚╝║══║═║═║╚╝║ ☆¸.•°*”˜˜”*°•.¸☆
║╔╗║╔╗║╔╣╔╩╗╔╝ NEW YEAR 2013 !!
╚╝╚╩╝╚╩╝╚╝═╚╝ ALL frndzzzzzzzzzzzz

shaki.....♥♥♥
 
 

Saturday, December 22, 2012

2.බුදු දහමට අනුව ලෝක විනාශය


බුදු දහමට අනුව ලෝක විනාශය සිදුවන අයුරු..



ලෝක විෂය අචින්ත්‍යයි.. සත්ව විෂය අචින්ත්‍යයි..
බුද්ධ විෂය අචින්ත්‍යයි.. කර්ම විෂය අචින්ත්‍යයි..

සාරාසංඛ්‍යෙය කල්ප ලක්ෂයක් මුළුල්ලේ උතුම් පාරමී ධර්මයන් සම්පූර්ණ කොට, මෙලොවට පැයූ පූර්ණ චන්ද්‍රායමාණ ව උතුම් සම්මා සම්බෝධිය අවබෝධ කළා වූ අප භාග්‍යවත් සම්මා සම්බුදුරජාණන් වහන්සේ අතැඹුලක් සේ දත් සියලු ධර්මයන් අතුරෙන් උතුම් නිර්වාණයට හේතු වන්නා වූ නෛර්යාණික ශ්‍රී සද්ධර්මය මෙලොව සත්වයා හට දේශනා කොට වදාළහ.

ඒ උතුම් ධර්මය අතුරින් අචින්ත්‍ය විෂය වශයෙන් ලෝක විෂය, සත්ව විෂය, බුද්ධ විෂය හා කර්ම විෂය පිළිබඳ කරුණු ඉතා අල්ප වශයෙන් දේශනා කොට වදාළේ ඒ පිළිබඳ අවබෝධයක් ලබා ගැනීමට සාමාන්‍ය ජනයාට අපහසු බැවිනි.

මනුෂ්‍යයන්ට දැනෙන බිය කොටස් දෙකකට බෙදා දැක්වීමට පුළුවන. පළමු වැන්න පාරිසරික නීතියයි. දෙවැන්න අනාගත නීතියයි. මනුශ්‍ය භීතිය යන්නෙන් සැකය කුතුහලය යන අදහස් ගෙන දෙයි. නමුත් තිරිසන් සත්වයන්ට බලපාන්නේ පාරිසරික නීතිය පමණි මිනිසුන්ගේ තරම් දියුණු මනසක් තිරිසන් සත්වයන්ට නැති නිසා අනාගත නීතිය කියන දේ ඔවුනට තේරුම් ගත නොහැකිය.


උදාහරණයක් ලෙස 2004 සුනාමි ව්‍යසනයට පෙර තිරිසන් සත්වයන්ගේ විවිධ වෙනස්කම් පෙන්නුම් කළේ පාරිසරික වශයෙන් ඔවුන්ට දැනුණු වෙනස්කම් බලපෑමෙනි.

නමුත් මනුෂ්‍යයන් තුළ හෙට, ලබන සතියේ, ලබන මාසයේ ආදී ලෙස තමාට කුමක් වේවිද ආදී වශයෙන් ක්ලේශ මූලික සිත් ඉපදීමෙන් ඒ පිළිබව අනිසි බියක් ඇති කරගෙන ඊට පිළියම් සෙවීමට පෙළඹිනි.

මේ පිළිබඳ කරුණු දැක්වීමේදී වත්මන් සමාජය තුළ ඇති වී තිබෙන තවත් අනාගත භිතියක් වශයෙන් ඉදිරි ආසන්න දිනයක සිදු වන ලෝක විනාශයක් පිළිබඳ විවිධ මිථ්‍යා මත ඉදිරිපත් වී ඇති බවක් පෙන්නුම් කරයි. ඒ භීතිය තුළ අපහසුතාවට පත්ව පිළියම් සොයන්නෝද දක්නට ලැබේ. ලෝක විනාශය දෙසැම්බර මාසයේ සිදුවෙතියි බොහෝ දෙනා කියති. දුක්වෙති. ආරක්ෂක පියවර ගිනිති. මෙය අස්ථාන බියකි.

මේ පිළිබඳ අනිසි බියක් ඇති කර නොගත යුතු බවට තථාගතයන් වහන්සේ විසින් දේශිත සත්ත සුරියුග්ගමන සූත්‍රය ඇසුරින් කරුණු පහදා දීම මෙම ලිපියේ අරමුණයි.

සූත්‍ර පිටකයේ, අංගුත්තර නිකායේ, සත්තක නිපාතයේ එන මෙම සූත්‍ර ධර්මය තුළින් ගින්නෙන් සිදුවන ලෝක විනාශයක් පිළිබඳ කරුණු සඳහන් කරයි. ලෝක විනාශයට බලපාන හේතූන් කිහිපයකි. එනම් ජලය ගින්න හා සුළඟය. මෙම සූත්‍ර දේශනාවේ ගින්නෙන් සිදුවන ලෝක විනාශය පිළිබඳ බාහිර පරිසරයෙන් උපමා උපමේයන් මනාව යොදා ගනිමින් පැහැදිළි කර තිබේ.

නමුත් අප වටහා ගත යුතු විශේෂ කාරණයක් වශයෙන් සඳහන් කළ හැක්කේ භාග්‍යවතුන් වහන්සේ විසින් ලෝකය විනාශ වන අයුරු දක්වාලමින් මේ සූත්‍රය ඇසුරෙන් ශ්‍රාවකයන්ට වෙසෙසාම අවබෝධ කරලීමට උත්සාර කර ඇත්තේ සංස්කාර ධර්මයන්ගේ ඇති අනිත්‍යතාව, අස්ථිර බව හා අශාස්ව ස්වභාභාවය පිළිබඳවයි.

මෙම සූත්‍ර දේශනාව දේශනා කරන ලද්දේ විශාලා මහනුවර අම්බපාලි වනයෙහි බුදුරජාණන් වහන්සේ වැඩ වසන අවස්ථාවකය. එහිදී භික්ෂු සංඝයා ඇමතූ භාග්‍යවතුන් වහන්සේ මහණෙනි සියලු සංස්කාරක ධර්මයෝ අනිත්‍යය. දිගු කල් නොපවත්නා බැවින් අස්ථිරය, අශාස්වතය. එබැවින් මහණෙනි මේ සියලු සංස්කාරයන්ගේ කළකිරීමට, නො ඇලීමට හා ඉන් මිදීමට සුදුසුය.

මහාමේරු පර්වත රාජයා දිගින් යොදුන් අසූ හාර දහසකි. පළලින්ද එසේමය. මහ සයුරෙන් ඉහළටද, පහළටද යොදුන් හාර දහස බැගින් ය. යම් කලෙක වර්ෂ සිය ගණනක්, වර්ෂ දහස් ගණනක් වර්ෂාව නොමැතිව මහා නියඟයක් ඇති වන්නේය. එවිට බොහෝ ගස් වැල් ආදීහු, ඖෂධ ගස් වැල් ආදීය, තෘණ වර්ග, වනස්පතී නම් වූ විශාල වෘක්ෂයෝ ද සම්පූර්ණයෙන් වියැළී විනාශ වන්නේය.

මෙසේ බොහෝ කාලයක් ගත වීමෙන් දැඩි නියඟය පවතින කල්හී දෙවැන හිරු උදා වන්නේය. එසේ තවත් බොහෝ කාළයක් ගත වූ කල්හී කුඩා නදී, ඇළ දොළ ආදිය වියැළී, මහත්සේ වැයැළී නැවත හට නොගන්නා තත්ත්වයට පත් වේ.



මේ අයුරින් තවත් බොහෝ කාලයක් ගත වූ විට තුන්වැනි සූර්යයාද පහළ වේ. එබඳු වූ තත්ත්වයක් තුළ ගංගා, යමුනා, අචිරවතී, සාරභූ, මහී යන මහා ගංගාවෝද සම්පුර්ණ වශයෙන්ම නැවත හට නොගන්නා ලෙසටම වියැළී යන්නේය.

තවත් වර්ෂ ගණනාවක් ඉක්ම ගිය කළ හතර වන සූරියාද උදා වේ. ඉහතින් සඳහන් කරන ලද මහා ගංගාවන් හටගන්නේ අනවතප්ත, සිංහප්‍රපාත, රථකාර, කර්ණමුණ්ඩ, ඡද්දන්ත, මන්දාකිණි මහා විල් වලිනි. මෙසේ හතරවන හිරුගේ බලපෑමෙන් එම මහා විල් ද නැවත හට නොගන්නා ලෙසට වියැළී විනාශ වේ.

එසේ සිදු වී තවත් බොහෝ කාළයක් ගත වූ විට පස් වැනි වූ සුර්යයාද පහළ වේ. එකළ මහ සයුරේ ජලය යොදුන් සිය ගණනක්, දෙසිය ගණනක් ආදී වශයෙන් පියවරෙන් පියවර යොදුන් හත්සියය දක්වා අඩුවේ. පසුව මධ්‍යම ප්‍රමාණයේ පුරුෂයන් හත් දෙනෙකුගේ ප්‍රමාණයට ජලය ඉතිරිව එයද ක්‍රමයෙන් එක් පුරුෂයකුගේ උස ප්‍රමාණයට අඩුවේ. එම ජලයද පුරුෂයෙකුගේ උස ප්‍රමාණයට ද, දණහිස ප්‍රමාණයට ද, පිට පතුලේ ප්‍රමාණයට ද අඩුවේ.

මෙහිදී උදාහරණයක් දක්වා තිබේ. එනම් සරත් සෘතුවෙහි මහා වැසි වසින කළ ගොනුන්ගේ පියවර තැබූ තැනෙක මහ පොළොවෙහි සටහන් වූ ගොන් කුරක ප්‍රමාණයට බිම ජලය ඉතිරි වේ. ඒ ඉතා අල්ප ප්‍රමාණයකි. මහ සයුරේ ජලය ද අවසන ඉතිරි වන්නේ එබඳු ප්‍රමාණයකි. ඒ ඇඟිලි පුරුකක් තෙමෙන්නටවත් ප්‍රමාණවත් නොවන බව දක්වයි.

මෙසේ තවත් බොහෝ කාලයක් ඉක්ම යාමෙන් පසුව හය වැනි සූර්යයාද උදා වේ. එකල්හි මහ පොළොව, මහාමේරු පර්වතරාජයා දුම් දමන්නට පටන් ගනී. ක්‍රමයෙන් අධික ලෙස දුම් දමයි. එයද බුදුරදුන් උදාහරණයක් වශයෙන් සඳහන් කරන්නේ කුඹල් කරුගේ පෝරණුවෙහි දුම් දමන්නේ යම් සේද ඒ ආකාරයට බවය.

එසේ මහා පොළවද මහාමේරුවද දුම් දමමින් තවත් බොහෝ කාළයක් පවත්නා කල්හි හත්වන සූර්යයාගේ උදා වීම සිදු වේ. එවිට පෙර සිට දුම් දමමින් තිබූ මහ පොළොව හා මහමේරු පර්වතය ගිනි ගෙන ඇවිලෙන්නට පටන් ගිනියි. දිලිසෙමින් අධිකව දැවෙමින් එකම ගිනි ජාලාවක් බවට පත් වේ. 



මේ මහා ගිනි ජාලාව නිවීමට මහ සයුරේවත් ජලය නොමැත. මේ සියලු ලෝ තලය, ශූන්‍ය වූ අභ්‍යව්‍යකාශය දවාලමින් තෘතිය ධ්‍යාන ලාභීන් වසන බ්‍රහ්ම ලෝක දක්වාම ගමන් කරයි. (සුද්ධාවාස බ්‍රහ්ම ලෝක විනාශ නොවේ.)

මෙසේ මේ මහා විශ්වය එකම ගිනි ජාලායක් බවට පත් වූ විට මහා මේරු පර්වතයෙන් යොදුන් සිය ගණන්, දෙසිය ගණන්, පන්සිය ගණන් වශයෙන් විශාල වූ ගල් කුට්ටි පිපිරී විසි වීමට පටන් ගනියි. නමුත් මෙම ගිනි ජාලාවේ අළු හෝ දැලි ඉතිරි නොවන බවද දක්වයි. ගිතෙල් පහනේ අළු හෝ දැලි ඉතිරි නොවන්නා සේය.

ක්‍රමයෙන් බොහෝ කල් ඇවෑමෙන් හත්වැනි හිරු දක්වා හිරු උදාවීමෙන් සිදු වන මේ මහා විනාශයන් පිළිබඳ යමක් අවබෝධ කැර ගැනීමට, පිළි ගැනීමට, තේරුම් ගැනීමට හැකියාව ඇත්තේ සෝවාන් මඟ ඵලවත් ලාභී පුද්ගලයාටම පමණක් බව දේශනා කර තිබේ.

මෙම දේශනාවේ තවත් කරුණු රාශියක් සඳහන් වේ. එනම් පෙර කළෙක සිටි සුනෙත්ත නම් ශාස්තෘවරයෙක් සිය ගණනක් වූ තම ශ්‍රාවකයන්ට බඹලොව ඉපදීමට හේතු වන අයුරින් ධර්ම දේශනා කරයි. එම ධර්මය සම්පූර්ණයෙන් අවබෝධ කරගත් අය ධර්මය පිළිපැද බඹලොව උපදී. යම් පමණකට තේරුම් ගෙන පිළි පැදි අය සදිව්‍ය ලෝක වලද, මිනිස් ලොව බ්‍රාහ්මන, ක්ෂත්‍රීය ආදී මහාසාල කුලවල ද උපදී.

ඉන් පසු සුනෙත්ත නම් එම ශාස්තෘට මෙබඳු වූ අදහසක් පහළ විය. මම ද පරලොවදී මාගේ ශ්‍රාවකයන් ඉපැදුණු බඹ ලොවෙහි ඉපදුණහොත් පසමාන බවට පත් වන බැවින් මා ඉන් ඉහළ තත්ත්වයකට පත් වෙමියි සිතා හත් වසරක් සිත පුරුදු කොට එම අනුහසින් සුද්ධාවාස බ්‍රහ්ම ලෝකයෙහි ඉපදුනේය. ලෝකය විනාශවන සෑම කළකම මොහු සුද්ධාවාස බ්‍රහ්ම ලෝකයෙහිම වාසය කළේය. මනුෂ්‍ය ලෝකයට නොපැමිණි යේය.

මොහු නම් මහා බ්‍රහ්මයාය. අනෙක් සියලු බ්‍රහ්මයන් මැඩ බවත්වමින් තමාම ප්‍රධානියා ලෙස ජීවත් වියත නැවත ලෝකය සකස්වන කල්හි දෙව් ලොවට පැමිණ 36 වරක් ශක්‍ර පදවියද මිනිස් ලොව සිය ගණනක් සක්විති රාජ්‍යත්වය ද දරමින් සිව් මහා සයුර කෙළවර කොට ඇති මේ මහා පෘථිවි තලයම ධාර්මිකව, දඩුවමින් තොරව පාලනය කළේය. මොහුට සත් රුවන, සතුරන් මැඩලන පුත්‍රයෝද පහළ වූහ.

භාග්‍යවතුන් වහන්සේ සඳහන් කරන්නේ මෙසේ මෙම සුනෙත්ත ශාස්තෘවරයා දීර්ඝායු ලැබුවත් ඔහු විසින් ජාති, ජරා, ව්‍යාධි, මරණ, ශෝක, පරිදේව, දුක් දෝම්නස් ආදී වූ ගින්නෙන් නොමිදුනු බවයි. ඒ කවර හේතුවකින් ද යත් මොහු විසින් ආර්ය ශීලය, ආර්ය සමාධිය, ආර්ය ප්‍රඥාව, ආර්ය විමුක්තිය අවබෝධ නොකළ හෙයිනි.


භාග්‍යවතුන් වහන්සේ වනාහී මෙම උතුම් ධර්මයන් මනාව අවබෝධ කොට, භව තෘෂ්ණාව දුරු කරන ලද බැවින් නැවත උපතක් නැත්තේය. ඒකාන්තයෙන් පිරිනිවි සේක්මය.

මෙහි එක් එක් කරුණක් පාසාම පියවරෙන් පියවර සංස්කාරක ධර්මයන්ගේ ඇති අනිත්‍ය, අස්ථිර, අශාස්වත බව සඳහන් කර තිබේ.

මෙහිදී අප වඩාත් විශේෂයෙන් අවබෝධ කරගත යුතු කාරණයක් පවතී. එනම් ගින්නෙන් සිදුවන ලෝක විනාශයක් පිළිබඳ දැක්වෙන මෙම සූත්‍ර දේශනාව තුළින් එක් එක් සූර්යයාගේ පහළ වීම සිදු වූ කාලවලදී සිදුවන සිදුවීම් ද, අවසන මහා පොළොව හා මහාමේරුව ගිනි ගෙන දැවී විනාශ වන ආකාරයද ඉතා පැහැදිලිව දැක්වේ.

මායාවරුන්ගේ දිනදර්ශනය අනුව 2012 දෙසැම්බර් 21 දා ලියා ඇත්තේ 13.0.0.0.0 වශයෙනි. එහි තේරුම එම කැලැන්ඩරය එදිනෙන් අවසන් බව බවයි. බොහෝ දෙනා ඒ අනුව කියනුයේ ඉන් පසු ලෝකයක් නැති බවයි.


මහා සයුරේ ජලය ගොන් කුරක පමණ, ඇඟිලි පුරුකක් තෙමෙන්නට පමණ නොවන මට්ටමකට අඩු වන කාලයක් නම් අද හෙටම මීළඟ සතියේ ඇති වේද? බොහෝ වර්ෂ දස දහස් ගණනක් ඇවෑමෙන් පියවරෙන් පියවර සිදු වන මේ දෙය තව දින කිහිපයකින් සතියකින් සිදු වේ යැයි පැවසීම නම් මහා මිත්‍යාවක්මය. එම මිථ්‍යාවක් පිළිගන්නා උදවිය තථාගත ශ්‍රී සද්ධර්මය පිළිපදින්නෝ, විශ්වාස කරන්නෝ නම් නොවන්නේය.

අනිසි බිය, මිථ්‍යා මත හැරදා අද අදම ආගමානුකූලව සුචරිතකාමී ජීවිත ගත කිරීමට පුරුදු වීම වටී. බාහිර ලෝකය කෙසේ වුවද බොහෝ අය තම තමන්ගේ ලෝකය නම් විනාශ කරගෙන හමාරය. කය, වචනය, හිත නොහික්මුණු අසංවර, දුසිල්වත් බොහෝ දෙනා විවිධ දූෂිත ක්‍රියා කරමින් ආගමට දහමට ගරහාමින් කටයුතු කරති. මෙලොව මෙන්ම පරලෝවද පිරිහුණු එබඳු අය ඒකාන්ත වශයෙන්ම අපාගාමී වෙති.

ආගම දහමට අනුකූලව කය වචනය, හිත සංවරව, හික්මුණු, සිල්වත් ජීවිත ගත කිරීමට පුරුදු වන්න. අනිසි බිය දුරලන්න. මිත්‍යා සංකල්පය නොව සම්මා සංකල්පයට නැඹුරු වන්න. ඔබට යහපත් වූ ජීවිතයෙන් ඒකාන්ත වශයෙන් සැප ඵල විපාක උදා වන්නේය.



(මන්දාරම්නුවර විමලවශ හිමියෝ ඉඹුල්ගොඩ අමුණුගොඩ ශ්‍රී අමර විහාරය හා අහුංගල්ල පුරාණ ක්ෂේත්‍රාරාමය යන උභය විහාරයාධිපති පදවිය ද පරකන්දෙණිය ශ්‍රී වීරසිංහ පිරිවේණේ ආචාර්ය පදවිය ද හොබවති. )

1.ඇත්තටම මොකද්ද මේ වෙන්න යන්නේ ....

අහසින් ජෙලි

17 දිනය පුරා පැවති මද වැසි තත්වයත් සමඟ මෙම ද්‍රව්‍ය වැටී තිබේ.
ප‍්‍රදේශයේ ස්ථාන තුනකට සුදු පැහැති කැටිති සහිත ද්‍රාවණයක් වැටී ඇතැයි මේ සම්බන්ධයෙන් අදහස් දක්වන බුලත්සිංහල පොලීසිය කියයි.
මේ සම්බන්ධයෙන් පරීක්‍ෂා කිරීමට අදාල ආයතනවලට දැනුම් දෙන බවද පොලීසිය සඳහන් කරයි.
මේ අතර 17 දිනයේ දිවයිනේ ගාල්ල, මාතර, වඳුරඹ, පැල්මඩුල්ල ඇතුළු ප‍්‍රදේශ කිහිපයකට රතු වැසි ඇද වැටී ඇති අතර කඹුරුපිටිය, අකුරැස්‌ස ප්‍රදේශයට වර්ෂාව සමඟ මාළුද පතිත වී තිබේ.

 ----------------------------------------------------------------------------------------------------------
රතු වැස්ස,සුදු වැස්ස මදිවට කහ වැස්සකුත්....
---------------------------------------------------------------------------------
පොලොන්නරුව දිස්ති‍්‍රක්කයේ පසුගිය දින කිහිපය තුළ සුනඛයින් 300 කට අධික සංඛ්‍යාවක් හදිසියේ මියගොස් ඇතැයි දිස්ති‍්‍රක් ලේකම් නිමල් අබේසිරි මහතා ප‍්‍රකාශකළේය.

පසුගියදා පොළොන්නරුව දිඹුලාගල ප්‍රදේශයට උල්කාශ්මයක් පතිතවීමෙන් අනතුරුව සුනඛයින් මෙලෙස මියගොස් ඇති බව දිස්ත්‍රික් ලේකම් නිමල් අබේසිරි මහතා පවසයි.


දිගාමඩුල්ල ප‍්‍රදේශයේ වැඩි වශයෙන් සුනඛයින් මෙලෙස මියගොස් ඇති බවට තමන්ට වාර්තා වී ඇති බව දිස්ති‍්‍රක් ලේකම්වරයා කියා සිටියේය.

පොලොන්නරුව දිස්ති‍්‍රක් ලේකම් කාර්යාලයේ ඊයේ (18) පැවති දිස්ති‍්‍රක් ආපදා මෙහෙයුම් කමිටු රැස්වීමේදීද මේ සම්බන්ධයෙන් සාකච්ජා වී ඇත.

එහිදී පොලොන්නරුව දිස්ති‍්‍රක් සෞඛ්‍ය සේවා අධ්‍යක්ෂවරයා ප‍්‍රකාශ කර ඇත්තේ, මෙය සුළු සිදුවීමක් බවයි.

කෙසේ වෙතත්, අප මේ සම්බන්ධයෙන් සත්ව නිෂ්පාදන හා සෞඛ්‍ය දෙපාර්තමේන්තුවේ අධ්‍යක්ෂ ජනරාල් ඩබ්ලිව්.කේ. ද සිල්වා මහතා ගෙන් කල විමසීමකදී ඔහු කියා සිටියේ, සුනඛයින්ට වැළඳෙන ඩිස්සෙම්පර් නැමැති වෛරසයක් නිසා මෙම සුනඛයින් මියගොස් ඇති බවයි.
----------------------------------------------------------------------------------------------------
ආලෝකමත් අද්භූත වස්තුවක් අකුරැස්ස නගරය අවට සැරිසරයි - බ‍්‍රහස්පති නොවේ

අකුරැස්ස ප‍්‍රදේශ ආශි‍්‍රතව ද පෙරේදා (11දා) රාති‍්‍රයේ ආලෝකය විහිදුවා ගෙන ගමන් ගත් අද්භූත වස්තුවක් දැක බලා ගැනීමට හැකි වූ බව ප‍්‍රදේශවාසීහු පවසති.

අකුරැස්ස නගරය අවට සැරිසරා ඇති මේ අද්භූත වස්තුව තද තැඹිලි පාටින් යුත් විදුලි බුබුළුවලින් ආලෝකමත් වී තිබූ බව දුටුවන් පැවසීය.

ඒ දෙස බලා සිටීමේදී එම යානය තමන් අසලට පැමිණෙනවා සේ පෙනුණු හෙයින් බියට පත් වූ බවත් ඔවුහු පවසති. අකුරැුස්ස නගරයේ පොලිස් ස්ථානයට ඉහළින් ඉන්ධන පිරවුම්හල අසල අහසේ මඳ වේලාවක් පියාසර කරමින් තිබූ එය මොහොතකින් නොපෙනී ගිය බවද දුටුවන් පෙන්වා දෙයි.

පෙරේදා (11දා) රාතී‍්‍ර 8.30ට මේ අද්භූත වස්තුව දැක ඇති අතර මේ දිනවල අහසේ ආලෝකමත්ව ඇති බ‍්‍රහස්පති ග‍්‍රහයා ද වෙනම ස්ථානයක හොඳින් දිස් වූ බවත් මෙය වෙනත් අද්භූත වස්තුවක් බවට සැක කරන බවත් ඇසින් දුටුවෝ පවසති.

 ------------------------------------------------------------------------------------------------------------

හඳහන්දෙණිය දොළත් රතු පාට වෙයි!



අයගම ප‍්‍රාදේශීය ලේකම් කොට්ඨාසයට අයත් නිකගොඩ හඳහන්දෙණිය දොළ දැනට දින හයක පමණ කාලයක සිට ජලය තද රතු පැහැයට හැරී ඇත.

 
මෙම දොළ ආරම්භ වන්නේ ජේ. ජයසේන සහ ඞී. අයිරාකාන්ති යන අයට අයත් කුඹුරු යායේ බුබුලක් මගිනි.

මහදොළ ආරම්භයේ සිටම රතු පැහැයක් දක්නට ලැබෙයි. ගම්වාසින් විසින් මෙම දොළෙහි ආරම්භක දිය බුබුල වෙත ගොස් පරික්ෂා කිරීමෙන් අනතුරුව වතුර බුබුලෙන්ද වතුර උනනන්නේ මෙම පැහැයෙන් බවට තහවුරු වී ඇති බවටයි වාර්තා වන්නේ.

මේ සිද්ධිය මුලින්ම දැක ඇත්තේ අනුර නම් ප‍්‍රදේශවාසියෙකි. මේ පිළිබඳව අයගම ප‍්‍රාදේශිය සෞඛ්‍ය වෛද්‍ය නිලධාරී කාර්යාලයේ ප‍්‍රකාශකයකුගෙන් කළ විමසීමකදී ඔහු ප‍්‍රකාශ කළේ මේ වන විට ජලසාම්පල් ලබා ගෙන පරීක්ෂණ සඳහා සූදානම් කර ඇති බවයි.

ප‍්‍රදේශවාසීන්ට මෙම දොළෙන් නෑම සහ ජලය පානය නොකරන ලෙස අවවාද කළ බව ද එම නිලධාරියා පැවසුවේය.


ප‍්‍රදේශයේ වැසියකු වන ප‍්‍රසාද් වික‍්‍රමසිංහ අප සමග කියා සිටියේ අවට තේ වතුවල යොදන පොහොර ජලය මිශ‍්‍රවීමෙන් මෙම තත්ත්වය ඇති වේදැයි සැක කරන බවයි.

මෙම දොළ අසල ජීවීන් වන විශ‍්‍රාමික ග‍්‍රාම නිලධාරිනි ස්වර්ණලතා දිසානායක මහත්මිය පැවසුවේ මීට පෙර මෙවැනි සිද්ධියක් නොදුටු බවයි. මෙම ජලය බෝතලයකට ගත්විට පෙට‍්‍රල් වැනි පැහැයක් ගනී. දොළේ මාළු මැරී යාමක් දක්නට නැත.

මෙම සිදුවීම වඩාත් ආන්දෝලනාත්මක වන්නේ ලංකාවට රතු වැසි කිහිපයක්ම ඇද වැටුණු කාල පරිච්චේදයක් තුල මෙවන් සිදුවීමක් සිදුවීම නිසාය.

මෙම දොළ පිඹුර ගඟට එක්වෙයි.